Hans von Nechvatal lindi në Innsbruk të Perandorisë Austro-Hungareze. Diplomohet në Universitetin e Graz-it për inxhinieri. Që në moshë të re shfaq interes për fotografinë. Në vitet 1929-1930 fiton një kontratë pune nga mbretëria shqiptare si inxhinier për ndërtimet ushtarake. Vendoset në Shqipëri ku projekton dhe ndjek realizimin e disa punimeve për nevojat e ushtrisë mbretërore shqiptare, si ndërtesa dhe kazerma në Burrel, Krastë, Korçë, Durrës dhe Tiranë. Nga viti 1930 bëhet pjesë e ushtrisë shqiptare, karrierë të cilën do ta mbyllë me gradën e nënkolonelit. Më 1935 martohet në Korçë dhe më 1936 zhvendoset në Tiranë.<br><br>
Pasioni i fotografisë bëhet mbizotërues gjatë viteve 1930-1940, ku përmes një stili dokumentaresk paraqet me vërtetësi tronditëse përditshmërinë e njerëzve si dhe peizazhet urbane dhe rurale shqiptare. Me vendosjen e regjimit totalitar, pas shumë peripecive, punon përsëri si inxhinier në ndërtimet ushtarake të regjimit diktatorial, duke e braktisur përfundimisht fotografinë.<br><br>
Vdes në Tiranë më 1965. Për fat të keq, fare pak ka mundur të shpëtojë nga arkivi prej qindra negativësh i këtij fotografi pothuajse të panjohur.<br><br>
Fotografitë e Hans von Nechvatal publikohen për herë të parë nga “Fototeka.al”.<br><br>
Rubens Shima
@@@@@@@
Pasioni i fotografisë bëhet mbizotërues gjatë viteve 1930-1940, ku përmes një stili dokumentaresk paraqet me vërtetësi tronditëse përditshmërinë e njerëzve si dhe peizazhet urbane dhe rurale shqiptare.
@@@@@@@
Hans Negvatal | Grup ciganësh | rreth 1930-1931 | film
@@@@@@@
Hans Negvatal | Kisha e Vllehëve (Shën Sotirit) pas tërmetit, Korçë | 1931 | pllakë xhami
