Rubrika përmbledh punë nga fotografë të ndryshëm, disa prej të cilëve me rëndësi të veçantë, por që për sasinë e pamjaftueshme që zotërojmë nuk mundësonin ende hapjen e një galerie për secilin prej tyre.<br><br>
Koleksioni përmban pllaka xhami, negativë dhe printe origjinale nga fotografë dhe studio fotografike të gjendura ngado nëpër Shqipëri. Prodhimtaria e tyre shtrihet më së shumti gjatë periudhës së monarkisë, pushtimit fashist dhe fare pak gjatë viteve të para të regjimit totalitar. Studio si Foto ‘Dajti’ dhe Foto ‘Sporti’ në Tiranë, “Kazazi & Duhanxhiu” në Elbasan, Studio ‘Joly’ në Durrës, Foto ‘Sharr’ në Kukës, Studio ‘Rekord’ në Prizren janë thuajse të panjohura për publikun. Arkivat e tyre të pasur me kalimin e kohëve humbën. Ato pak printe të vulosura të gjendura në mënyrë rastësore janë të vetmet dëshmi të mbetura prej tyre.<br><br>
Në këtë rubrikë janë përfshirë gjithashtu edhe fotografë të njohur të mesit të shekullit XX si Ymer Bali, Jani Ristani, Vasil Ristani me aktivitet në Tiranë, Ilia Xhimitiku në Berat, Palok Gurashi në Durrës, Dedë Jakova dhe Shan Pici në Shkodër, Jovan Venetiku dhe Mandi Koçi në Korçë, Misto, Pandi dhe Sotiraq Cici në Pogradec, Musa Haxhi Ymeri dhe Fot Papajani në Elbasan.<br><br>
Pjesë e këtij koleksioni janë edhe disa fotografë më të hershëm si; Thimi Raci nga Dardha, Eftimi Zografi nga Korça si edhe italiani A. Ciappellano, i cili punoi kryesisht në qytetin e Vlorës.<br><br>
Rubens Shima
@@@@@@@
Rubrika përmbledh punë nga fotografë të ndryshëm, disa prej të cilëve me rëndësi të veçantë, por që për sasinë e pamjaftueshme që zotërojmë nuk mundësonin ende hapjen e një galerie për secilin prej tyre.
@@@@@@@
Foto "Dajti" | Pamje nga manifestimi festiv me rastin e 25-vjetorit të Pavarësisë, Tiranë. | 1937 | print në letër
@@@@@@@
Foto Sporti | Foto grupi, në qendër Eqerem Çabej dhe Lasgush Poradeci | 1935 | print në letër
